近三年，有源源不绝嘅女仔黎揾我占复合，佢哋有年纪得十几岁，亦都有三、四十岁嘅。无论年龄如何，佢哋都系处于失恋嘅漩涡之中，情绪极度不稳定，每日都系以泪洗脸，无办法专注喺工作同学习上。佢哋嘅生活几乎系围绕住两样嘢：一系揾朋友倾诉，二系回忆当初嘅美好（可能见到同前任有关嘅野就喊，视奸Ex各种社交媒体，沉浸系唔明白、唔甘心嘅谂法入面）

不过，之前Ex嘅冷暴力同出轨，令佢哋心灵受创，好多时变咗无助同心灰意冷。面对咁样嘅情感打击，佢哋好迷茫，唔知点样迎接新嘅生活。

其实，如果真系想同前任复合，最紧要嘅系识得爱护自己。系咪有时候，我哋会喺追求爱情嘅过程中，唔小心忽略咗自己呢？所以，当你面对失恋嘅苦痛，其实系一个机会，面对自己一直得唔到满足嘅需求，照顾返自己：定时食三餐，买靓靓嘅新衫，化个靓妆，令自己有自信同自爱嘅感觉。另外，都可以试下做运动，唔单止对身体有益，仲可以俾你释放郁闷低落嘅心情。或者，学下新技能，开始一个新兴趣，都会令你更加有自信。

无论如何，最重要系将男人嘅事摆埋一边，专心对待自己嘅生活。当你有机会再次同Ex联络，佢见到你变得咁优秀，可能会产生重新钟意你嘅想法。可能到𠮶时，你已经唔再钟意佢，因为你开始识得钟意自己，钟意追求幸福同自由嘅自己。

依个系一个重新发现自己同埋爱护自己嘅旅程，你会发现，喺爱自己同埋关心自己嘅过程中，其实可以令你充满更多力量同快乐。当你真正爱上自己，你会发现，追求幸福并唔需要依赖别人，而系可以靠自己嘅力量去实现。无论最后有无同前任复合，你都会变得更加坚强，更加自信，更加勇敢去迎接未来嘅每一个挑战。所以，喺呢段旅程到，记住要爱自己同埋追求属于自己嘅幸福，唔好迷失喺失恋嘅阴霾之中。