近三年，有源源不絕嘅女仔黎搵我占復合，佢哋有年紀得十幾歲，亦都有三、四十歲嘅。無論年齡如何，佢哋都係處於失戀嘅漩渦之中，情緒極度不穩定，每日都係以淚洗臉，無辦法專注喺工作同學習上。佢哋嘅生活幾乎係圍繞住兩樣嘢：一係搵朋友傾訴，二係回憶當初嘅美好（可能見到同前任有關嘅野就喊，視姦Ex各種社交媒體，沉浸係唔明白、唔甘心嘅諗法入面）

不過，之前Ex嘅冷暴力同出軌，令佢哋心靈受創，好多時變咗無助同心灰意冷。面對咁樣嘅情感打擊，佢哋好迷茫，唔知點樣迎接新嘅生活。

其實，如果真係想同前任復合，最緊要嘅係識得愛護自己。係咪有時候，我哋會喺追求愛情嘅過程中，唔小心忽略咗自己呢？所以，當你面對失戀嘅苦痛，其實係一個機會，面對自己一直得唔到滿足嘅需求，照顧返自己：定時食三餐，買靚靚嘅新衫，化個靚妝，令自己有自信同自愛嘅感覺。另外，都可以試下做運動，唔單止對身體有益，仲可以俾你釋放鬱悶低落嘅心情。或者，學下新技能，開始一個新興趣，都會令你更加有自信。

無論如何，最重要係將男人嘅事擺埋一邊，專心對待自己嘅生活。當你有機會再次同Ex聯絡，佢見到你變得咁優秀，可能會產生重新鐘意你嘅想法。可能到嗰時，你已經唔再鐘意佢，因為你開始識得鐘意自己，鐘意追求幸福同自由嘅自己。

依個係一個重新發現自己同埋愛護自己嘅旅程，你會發現，喺愛自己同埋關心自己嘅過程中，其實可以令你充滿更多力量同快樂。當你真正愛上自己，你會發現，追求幸福並唔需要依賴別人，而係可以靠自己嘅力量去實現。無論最後有無同前任復合，你都會變得更加堅強，更加自信，更加勇敢去迎接未來嘅每一個挑戰。所以，喺呢段旅程到，記住要愛自己同埋追求屬於自己嘅幸福，唔好迷失喺失戀嘅陰霾之中。